طوفان بپر جوائے سے بھارتی گجرات میں تباہی

سمندری طوفان بپر جوائے نے بھارتی ریاست گجرات میں تباہی مچادی جس سے مقامی لوگوں کی پریشانی مزید بڑھ گئی سمندری طوفان سے گجرات میں 527 سے زائد درخت جڑ سے اُکھڑ گئے جبکہ 3 ہزار 672 سے زائد بجلی کے کھمبے گر گئے ۔بجلی کے کھمبے گرنے سے گجرات کی تحصیل مالیا کے 45 دیہات میں بجلی معطل ہوگئی جبکہ سینکڑوں ٹرینوں کو اٹھارہ جون تک کینسل کردیاگیا ہے ۔سمندری طوفان بپر جوائے کی کیٹیگری انتہائی شدید سے شدید میں بدل گئی ہے ۔گجرات میں ہواﺅں کی رفتار 115 سے کم ہو کر 105 کلومیٹر فی گھنٹہ ہوگئی ہے ۔طوفان کے باعث راجستھان میں آج شدید بارشوں کا امکان ظاہر کیاگیا ہے ۔