اسلام آباد:سپریم کورٹ کے آئینی بنچ نے سپریم کورٹ کے سابق جج مظاہر علی نقوی کی شوکاز نوٹس کے خلاف درخواست خارج کر دی۔جسٹس امین الدین کی سربراہی میں 7 رکنی آئینی بنچ نے مظاہر علی نقوی کی جوڈیشل کونسل کیخلاف درخواست پر سماعت کی۔
سماعت کے دوران مظاہر علی نقوی کے وکیل سعد ہاشمی نے کہا کہ میرا مظاہر علی اکبر نقوی سے رابطہ نہیں ہو سکا، عدالت موکل سے رابطے اور ہدایات کیلئے مہلت دے۔جسٹس محمد علی مظہر نے کہا کہ کیس میں کوئی نئی چیز نہیں ہے، شوکاز نوٹس کے خلاف کونسل کا تو فیصلہ آ چکا ہے۔عدالت نے شوکاز نوٹس کے خلاف درخواست عدم پیروی پر خارج کر دی۔
پاکستان
سپریم کورٹ:سابق جج مظاہر علی نقوی کی شوکاز نوٹس کیخلاف درخواست خارج
Leave feedback about this