سندھ میں آٹا95روپے کلو دستیاب،فلور ملز ایسوسی ایشن کا اعلان

کراچی:سندھ کی فلور ملزم نے کراچی سے گھوٹکی تک آٹا 95روپے فی کلو گرام فروخت کرنے کا اعلان کردیا۔پاکستان فلور ملز ایسوسی ایشن،سندھ ریجن کے چیئرمین چوہدری عامر نے بتایا کہ2روز قبل وزیراعلیٰ مراد علی شاہ کی ہدایت پر وزیر اطلاعات شرجیل میمن اور وزیر خوراک مکیش کمار چاؤلہ کے ہمراہ ہم نے اعلان کیا تھا صوبے بھر میں 95روپے فی کلو کے حساب سے آٹا فراہم کیا جائے گا اس اعلان پر گزشتہ روز عملدرآمد کا آغاز کردیا گیا ہے۔سندھ ریجن کے چیئرمین نے بتایا کہ50کلو میدے کی بوری کی ایکس مل قیمت5940روپے،50کلو آٹے کی بوری کی ا یکس مل قیمت4740روپے اور 10کلو گرام آٹے کی بوری کی ایکس مل قیمت953روپے مقرر کی گئی ہے۔