سندھ اور بلوچستان میں سمندری ہواﺅں کی رفتار میں اضافے کاامکان

کراچی سمیت سندھ اور بلوچستان کے ساحلی علاقوں میں آج سے سمندری ہواﺅں کی رفتار میں اضافے کاامکان ہے ۔موسمیاتی تجزیہ کار کے مطابق سمندری ہواﺅں کی رفتار 35 سے 45 کلومیٹر فی گھنٹہ تک پہنچ سکتی ہے اور آئندہ دو سے تین روز تک ہوا 50سے 55 کلومیٹر فی گھنٹا کی رفتار کو بھی چھوسکتی ہے۔موسمیاتی تجزیہ کار نے بتایا کہ مطلع زیادہ تر ابر آلود رہے گا ، بوندا باندی اور ہلکی بارش کا بھی امکان ہے ۔ہلکی پھلکی دھوپ کیساتھ کراچی سمیت سندھ کی ساحلی پٹی پر موسم خوشگوار رہے گا۔