سالگرہ مناکر واپس گھر جانیوالے 4 دوست ٹریفک حادثے میں جاں بحق

وہاڑی: سالگرہ منا کر واپس گھر جانیوالے دوستوں کی گاڑی بیل ریڑھے سے ٹکرانے سے چار افراد جاں بحق جبکہ دو شدید زخمی ہوگئے ۔دونوں زخمیوں کو تشویشناک حالت میں نشترہسپتال ملتان ریفر کردیاگیا ہے ۔حادثہ لڈن روڈ پر کھا در نہر کے پل کے قریب پیش آیا جہاں بیل ریڑھے پر لکڑلوڈ تھی۔کار سوار وہاڑی سے اپنے دوست احمد لکھویرا کی سالگرہ منا کر لڈ ن جارہے تھے ۔حادثہ میں احمد لکھو یرانامی نوجوان بھی جاں بحق ہوگیا ، ریسکیو ٹیم نے کارکی باڈی کاٹ کر نعشوں اور زخمیوں کو نکالا۔