زرین خان نے ایک بار پھر بڑے پردے پر واپسی کا فیصلہ کرلیا

ممبئی:اداکارہ نے حال ہی میں اپنے سوشل میڈیا پر سوال و جواب کا سیشن منعقد کیا جہاں ایک صارف نے ان سے کہا کہ آپ کو مزید فلمیں کرنی چاہئیں، ہم انتظار کر رہے ہیں۔بالی ووڈ اداکارہ زرین خان کافی عرصے سے بڑے پردے سے غائب تھیں جس کی وجہ سے ان کے مداح ان کی واپسی کا بے صبری سے انتظار کر رہے تھے۔زرین نے لکھا ہاں! وقفہ کچھ طویل ہو گیا تھا، امید ہے کہ اگلے سال آپ مجھے فلموں میں ضرور دیکھیں گے، اگلے سال آپ مجھے سکرین پر ضرور دیکھ سکیں گے۔ زرین نے یہ بھی انکشاف کیا کہ وہ کن اقسام کی فلموں میں کام کرنا چاہتی ہیں، جب ایک صارف نے ان سے پوچھا کہ وہ کس طرح کی فلموں میں کام کرنا پسند کریں گی؟ تو زرین نے کہا مجھے لگتا ہے کہ میں کوئی مکمل مزاحیہ یا ایکشن فلم کرنا چاہوں گی۔