رشی سونک کو جرمانے پر عمران خان نے کیا کہا؟

سابق وزیراعظم عمران خان نے کار سیٹ بیلٹ نہ باندھنے پر برطانوی وزیراعظم رشی سونک پر جرمانہ عائد ہونے کی خبر شیئر کرتے ہوئے پاکستانی نظام عدل پر سوالات اٹھا دیئے۔سماجی رابطے کی ویب سائٹ ٹویٹر پر چیئرمین پی ٹی آئی عمران خان نے اپنے بیان میں کہا کہ یہ ہی قانون کی حکمرانی ہے جہاں کوئی اس سے بالاتر نہیں،یہ ہی عمل خوشحال قوموں کو غریب ممالک سے ممتاز کرتا ہے۔ان کا کہنا تھا کہ خوشحال قوموں میں کوئی این آ ر او نہیں،کوئی قبضہ گروپ نہیں،طاقتور کے بارے میں سچ ٹویٹ کرنے پر کوئی حراستی تشدد بھی نہیں کیا جاتا کیونکہ نظام عدل کمزوریوں کی حفاظت کرتا ہے۔سابق وزیراعظم عمران خان نے مزید کہا کہ انصاف ہی ریاست مدینہ کی بنیاد تھی۔ویڈیو سامنے آنے پر رشی سونک نے معذرت بھی کی تھی لیکن ٹریفک پولیس نے ان پر جرمانہ عائد کردیا۔