رحیم یار خان ، غیر ملکی سائیکلسٹ کو تھپڑ مارنے والا اے ایس آئی معطل

رحیم یار خان میں غیر ملکی سائیکل سوار سے بدتمیزی کرنے والے اے ایس آئی کے خلاف محکمانہ کارروائی شروع کر دی گئی۔اس حوالے سے ڈی پی او رضوان عمر گوندل کا کہنا ہے کہ غیر ملکی سیاحوں کی سیکیورٹی اہم ہے، برطانوی، اطالوی اور ایرانی سیاح شامل تھے اور انہیں سیکیورٹی فراہم کرنا پولیس کا فرض ہے۔رضوان عمر گوندل کا کہنا تھا کہ غیر ملکی سیاح سیکیورٹی لینے سے گریزاں تھے جس پر پولیس اہلکاروں سے تلخ کلامی ہوئی۔ڈی پی او نے بتایا کہ غیر ملکی سیاح ایسے علاقے میں جانا چاہتے تھے جہاں کچھ عرصہ قبل جرائم پیشہ افراد کے خلاف آپریشن کیا گیا تھا۔واضح رہے کہ غیر ملکی سائیکل سوار کے ساتھ پولیس کی بدتمیزی کا واقعہ ہفتے کو پیش آیا تھا، تھانہ صادق آباد کے اے ایس آئی نے غیر ملکی سیاح کو تھپڑ مارا تھا۔