دوسرا ٹیسٹ:تماشائیوں کیلئے اسٹیڈیم میں داخلہ مفت کرنے کااعلان

کراچی:پاکستان اور نیوزی لینڈ کے درمیان دوسرے ٹیسٹ میچ کیلئے تماشائیوں کیلئے سٹیڈیم میں داخلہ مفت کرنے کااعلان کردیا گیا۔پاکستان کرکٹ بورڈ کے جاری کردہ اعلامیہ میں کہا گیا ہے کہ نیوزی لینڈ کے خلاف دوسرے ٹیسٹ میچ کیلئے شائقین کرکٹ کا سٹیڈیم میں داخلہ مفت ہوگا تاہم شائقین کو سٹیڈیم میں داخل ہونے کیلئے صرف اپنا اصل شناختی کارڈ یا بی فارم لانا ہوگا۔قبل ازیں پی سی بی نے مختلف تعلیمی اداروں سے طلباء وطالبات میت معذور افراد،اولڈ ہومز اور یتیم بچوں کو سٹیڈیم لائے جانے کیلئے رابطے شروع کردیئے ہیں جس سے نیشنل سٹیڈیم کو بھرا جاسکے۔