دورہ نیوزی لینڈ کیلئے پاکستانی اسکواڈ میں 3 وکٹ کیپر شامل

نیوزی لینڈ میں پانچ ٹی ٹوئنٹی میچز کیلئے پاکستانی اسکواڈ میں 3 وکٹ کیپر شامل کیے گئے ہیں۔تجربہ کار وکٹ کیپر محمد رضوان کے ساتھ ساتھ صاحبزادہ فرحان اور اعظم خان کو بھی ٹیم میں شامل کیا گیا ہے۔کراچی میں حال ہی میں ختم ہونے والے ڈومیسٹک ٹی ٹوئنٹی کے ٹاپ اسکورر صاحبزادہ فرحان جنہوں نے پشاور ریجن کے لیے 12 میچوں میں 44.73 کی اوسط سے 492 رنز بنائے، اب پانچ سال بعد دوبارہ پاکستان کے لیے منتخب ہو گئے ہیں۔27 سالہ وکٹ کیپر اور دائیں ہاتھ کے اوپننگ بلے باز نے پاکستان کے لیے 3 ٹی ٹوئنٹی میچوں میں 40 رنز بنائے ہیں۔چار سنچریاں بنانے والے فرحان کے علاوہ اعظم خان دورہ نیوزی لینڈ کے لیے منتخب قومی اسکواڈ میں تیسرے وکٹ کیپر ہیں۔سابق ٹیسٹ کپتان معین خان کے بیٹے 25 سالہ اعظم خان نے پاکستان کے لیے 5 ٹی ٹوئنٹی میچوں میں 7 رنز بنائے ہیں۔ذرائع کے مطابق آسٹریلیا کے خلاف پرتھ ٹیسٹ میں ڈیبیو پر 6 وکٹیں لینے والے فاسٹ بولر عامر جمال بھی اسکواڈ میں شامل ہیں جب کہ پی ایس ایل 2023 میں سب سے زیادہ وکٹیں لینے والے عباس آفریدی کو بھی پہلی بار ٹیم میں شامل کیا جائے گا۔ ذرائع کا کہنا ہے کہ ٹیم کے کپتان شان مسعود ٹیسٹ فارمیٹ میں بھی ٹی ٹوئنٹی سکواڈ کا حصہ ہوں گے اور اسپن بولر ابرار احمد کی ٹیم میں شمولیت فٹنس سے مشروط ہے۔