خرد برد کیس: فواد چوہدری مزید 3 روزہ ریمانڈ پر نیب کے حوالے

اسلام آباد کی احتساب عدالت کے ڈیوٹی جج نے سابق وفاقی وزیر فواد چوہدری کو مزید 3 روزہ جسمانی ریمانڈ پر نیب کے حوالے کردیا۔اسلام آباد کی احتساب عدالت نے فواد چوہدری کے خلاف جہلم میں تعمیراتی منصوبوں سے متعلق کیس کی سماعت کی۔ڈیوٹی جج شاہ رخ ارجمند نے استفسار کیا کہ فواد چوہدری کا اب تک کتنے دن کا جسمانی ریمانڈ ہو چکا ہے؟نیب پراسیکیوٹر نے بتایا کہ فواد چوہدری کو اب تک 20 روزہ جسمانی ریمانڈ پر جیل بھیج دیا گیا ہے۔نیب پراسیکیوٹر نے فواد چوہدری کے مزید 10 روزہ جسمانی ریمانڈ کی استدعا کی۔
نیب پراسیکیوٹر نے کہا کہ احتساب عدالت کے جج محمد بشیر ابھی دفتر میں نہیں ہیں، جج محمد بشیر کی کرسی اس وقت خالی ہے، وہ اڈیالہ جیل میں ہیں۔فواد چوہدری نے کہا کہ دلائل دیے جائیں تو ڈسچارج کیس بنتا ہے۔فواد چوہدری نے جج شاہ رخ ارجمند سے مکالمہ کرتے ہوئے کہا کہ آپ بطور ڈیوٹی جج سماعت کر رہے ہیں، جج محمد بشیر چھٹی پر نہیں ہیں، وہ دستیاب ہیں، ہم آج بھی ڈیوٹی جج کے سامنے ہیں، میں نے پہلی بار دیکھا کہ جج کام پر. اور ہم ابھی تک ڈیوٹی جج کے سامنے ہیں۔