حکومت نے 5 سالہ توانائی بچت منصوبے پر کام شروع کردیا

اسلام آباد: وفاقی حکومت توانائی بچت کے پانچ سالہ منصوبے پر کام شروع کردیا جس میں تمام سرکاری اورنیم سرکاری عمارتوں کو توانائی بچانے والی عمارات میں تبدیل کردیاجائیگا۔نیشنل انرجی ایفیشنسی اینڈ کنزرویشن اتھارٹی کے منیجنگ ڈائریکٹر سردار معظم کے مطابق توانائی بچت کا پلان پہلے دس سال کیلئے بنایا گای تھا جسے اب پانچ سال تک محدود کردیاگیا ہے۔بلڈنگ کوڈز پر موثر عمل درآمد سے پچاس سے 60 فیصد تک توانائی کی بچت کی جاسکے گی اور تمام بڑی عمارتوں کے انرجی آڈٹ کے بعد توانائی بچت کے ایکشن پلان پر مرحلہ وار کام شروع کیاجائیگا۔پروگرام کے دوسرے مرحلے میں کمرشل ، صنعتی ، اور گھریلو سیکٹر کو گیس کی بجائے کم بجلی استعمال کرنیوالے آلات کو فروغ دیاجائیگا۔