حکومت نے عوام کو ریلیف دینے کے بجائے آئل کمپنیوں کے منافع میں اضافہ کردیا

اسلام آباد:وفاقی حکومت نے عوام کو ریلیف دینے کے بجائے آئل مارکیٹنگ کمپنیوں کے مارکن میں اضافہ کردیا۔یکم دسمبر سے آل مارکیٹنگ کمپنیوں کے مارجن میں 1روپے 32پیسے فی لٹر تک اضافہ ہوگیا۔مارجن بڑھنے سے آئل مارکیٹنگ کمپنیوں کے منافع میں اربوں روپے اضافہ ہوجائے گا۔ جاری کردہ نوٹیفکیشن کے مطابق پٹرول اور او ایم سی مارجن32پیسے اضافے سے4روپے فی لٹر اور ہائی سپیڈ ڈیزل پر او ایم سی مارجن1.32روپے اضافے سے5روپے فی لٹر کردیا گیا ہے۔ ہائی سپیڈ ڈیزل پر پٹرولیم لیوی 12روپے سے بڑھا کر25روپے فی لٹر کردی گئی۔وفاقی حکومت پٹرول پر50روپے فی لٹر ملکی تاریخ کی سب سے زیادہ پٹرولیم لیوی وصول کررہی ہے۔وفاقی حکومت بتدریج پٹرولیم پر2روپے جبکہ ہائی سپیڈ ڈیزل پر1روپے فی لٹر مارجن بڑھائے گی۔