جویریہ عباسی کی دوسری شادی کی تصاویر اور ویڈیوز وائرل ہوگئیں

لاہور: پاکستان کی معروف اداکارہ جویریہ عباسی نے اپنی دوسری شادی کی تصاویر اور ویڈیوز شیئر کر دیں۔اداکارہ نے اپنی دوسری شادی کی تصاویر اور ویڈیوز انسٹاگرام پر پوسٹ کیں جو سوشل میڈیا پر فورا وائرل ہوگئیں۔ جویریا نے اس خاص موقع کے لیے ایک خوبصورت گلابی اور سنہری لباس پہنا تھا جس میں وہ بالکل شاندار لگ رہی تھیں۔ایک ویڈیو میں جویریہ عباسی گجراتی لباس زیب تن کر رہی ہیں اور دوسری ویڈیو میں اداکارہ کی شادی کی رسم پڑھائی جا رہی ہے۔واضح رہے کہ جویریہ عباسی کی شادی عدیل حیدر نامی شخص سے ہوئی ہے جو اپنے شوق سے فوٹوگرافر بھی ہیں، جویریہ عباسی اور ان کے دوسرے شوہر کی ایک تصویر بھی سوشل میڈیا پر وائرل ہورہی ہے۔یاد رہے کہ جویریہ عباسی نے مئی میں ایک ویڈیو کے ذریعے سوشل میڈیا پر اپنی منگنی کا اعلان کیا تھا جس کے چند روز بعد اداکارہ نے ایک ٹی وی شو کے دوران اپنی دوسری شادی کی تصدیق کی تھی۔جویریہ عباسی کی پہلی شادی 1997 میں اداکار شمعون عباسی سے ہوئی تھی اور 12 سال کی شادی کے بعد 2009 میں ان کی طلاق ہوگئی۔