جعلی مقابلے، نام نہاد فالز فلیگ ‘آپریشن مہادیو’ بے نقاب

دہلی:مودی کی لوک سبھا میں تقریر سے ایک دن قبل جعلی مقابلے کیے گئے تاہم سیاسی سٹیج تیار کرنے کی کوشش بے نقاب ہوگئی۔پہلگام ہو یا مہادیو فالز فلیگ آپریشن مودی کے سیاسی ایجنڈے کو سہارا دینے کی ناکام کوشش جاری ہے۔
مودی سرکار نے آپریشن سندور کی ناکامی چھپانے کے لیے نیا فالز فلیگ آپریشن رچا دیا، فالز فلیگ حملے اور آپریشن ہندوتوا سرکار کی ریاستی پالیسی بن چکے ہیں۔آپریشن سندور پر پارلیمانی بحث سے ایک دن قبل پہلگام حملے کے دہشتگرد ہلاک ہو جانا محض اتفاق نہیں ہے، بھارت میں ہر فالز فلیگ کے پیچھے ایک سیاسی بحران یا الیکشن قریب ہونا محض اتفاق نہیں ہو سکتا۔
گودی میڈیا نے بغیر کسی ثبوت کے دہشتگردوں کو پاکستان سے جوڑ کر پاکستان دشمنی کا ثبوت دے دیا۔بھارتی میڈیا وی آن نیوز کے مطابق آپریشن مہادیو میں بھارتی فوج نے پہلگام حملے سے منسلک تین دہشتگردوں کو ہلاک کر دیا، سری نگر کے قریب کارروائی میں مارا گیا ایک مقامی شخص دہشتگردوں کا سرغنہ تھا، فوج نے خفیہ اطلاع پر کارروائی کرتے ہوئے لاشوں کے ساتھ بڑی مقدار میں اسلحہ و بارود برآمد کیا۔
برآمد شدہ اسلحے میں سوویت ساختہ اے کے 47 رائفل، امریکی ساختہ کاربائن، 17 رائفل گرینیڈ اور دیگر ساز و سامان شامل ہے، حسب روایت دہشتگردوں کی شناخت اور شواہد سے پہلے ہی مودی سرکار نے اسلحے اور دہشتگردوں کو پاکستان سے جوڑ دیا۔لوک سبھا میں عسکری ناکامی پر پردہ ڈالنے کے لیے فالز فلیگ آپریشن اور پاکستان پر الزام تراشی مودی کا حربہ ہے۔
ماہرین کا کہنا ہے کہ جاری کی گئی ہلاک دہشتگردوں کی تصاویر میں واضح ہے کہ ان کے پاس موجود ہتھیار ہی غیر فعال تھا، انہوں نے تشویش کا اظہار کیا کہ رائفل کی بیرل میں کپڑا موجود، حقیقی مقابلے میں ایسا غیر فعال ہتھیار کیسے ہو سکتا ہے؟بھارت کو فالز فلیگ ڈراموں کے لیے بہتر سکرپٹ رائٹرز چاہئیں، ایسی غلطیاں بھارتی سازش بے نقاب کر دیتی ہیں، پرانے جعلی مقابلوں کی تصاویر مودی کی تقریر سے ایک دن پہلے جاری کرنا مودی کی سیاسی ساکھ بچانے کی ناکام کوشش ہے۔