جائیداد کا کیس ، عدالتی وقت کے ضیاع پر وکیل پر 1 لاکھ روپے جرمانہ

سپریم کورٹ آف پاکستان نے جائیداد کے کیس میں عدلتی وقت کے ضیاع پر وکیل غلام فرید پر 1 لاکھ روپے جرمانہ کردیا۔چیف جسٹس قاضی فائز عیسی کی سربراہی میں تین رکنی بینچ نے سماعت کی ۔سپریم کورٹ نے ریمارکس میں کہا کہ بے بنیاد اور فضول مقدمے بازی کا پہلے بھی مظاہرہ کیاگیا ، عدالت عمومی طورپر الچک کا مظاہرہ کرتی ہے، درخواست گزار نے ماضی میں بھی بے بنیاد اور من گھڑت مقدمے بازی کی ، انہیں جرمانہ ہوا ، ہرجانے کی رقم فریقین کو ادا کی جائے، ہرجانے کی رقم ادا نہ کرنے پر سول کورٹ کا فورم موجود ہے ۔