بنگلہ دیش کی وزیراعظم شیخ حسینہ واجد نے ڈھاکہ میں اپنا ووٹ کاسٹ کیا

بنگلہ دیش کی وزیراعظم شیخ حسینہ واجد نے ڈھاکہ میں اپنا ووٹ کاسٹ کیا۔شیخ حسینہ کا کہنا ہے کہ انتخابات کا بائیکاٹ کرنے والی مرکزی جماعت ایک دہشت گرد تنظیم ہے، اس بات کو یقینی بنانے کی کوشش کی جارہی ہے کہ ملک جمہوری رہے۔ان کا کہنا ہے کہ بنگلہ دیش ایک خودمختار ملک ہے اور عوام میری طاقت ہیں، ہماری پارٹی کو عوامی مینڈیٹ ملے گا۔غیر ملکی میڈیا کے مطابق بنگلہ دیش میں عام انتخابات کے ابتدائی نتائج کا کل صبح تک اعلان کیے جانے کا امکان ہے۔دوسری جانب بی این پی سمیت اپوزیشن جماعتوں نے الیکشن کا بائیکاٹ کرتے ہوئے 2 روزہ ملک گیر ہڑتال کی کال دی ہے اور عوام سے ووٹ نہ ڈالنے کی اپیل کی ہے۔غیر ملکی میڈیا کے مطابق بنگلہ دیش میں اپوزیشن نے انتخابات کو غیر منصفانہ قرار دیا ہے۔اطلاعات کے مطابق دارالحکومت ڈھاکہ میں قبل از انتخابات تشدد کے دوران 5 اسکولوں اور 4 پولنگ بوتھوں کو نذر آتش کردیا گیا۔