بلوچستان :ہرنائی کے علاقے شاہرگ میں دھماکا، 11افراد جاں بحق، 6 زخمی

ہرنائی:بلوچستان کے ضلع ہرنائی کے علاقے شاہرگ میں دھماکے سے 11 افراد جاں بحق اور 6 زخمی ہو گئے۔پولیس کے مطابق کوئلے کی کان میں کام کرنے والے مزدروں کی گاڑی کے قریب دھماکا ہوا جس میں متعدد افراد زخمی ہو گئے۔
دھماکے میں زخمی ہونے والے متعدد زخمیوں کی حالت تشویشناک، قانون نافذ کرنے والے ادارے کے اہلکار بھی موقع پر پہنچ گئے اور دھماکے کی جگہ کو تحویل میں لیکر شواہد اکٹھے کرنا شروع کر دیئے ہیں۔ ہرنائی ڈپٹی کمشنرکے مطابق شاہرگ کے علاقے میں دھماکے سے 11 مزدور جاں بحق اور 6 زخمی ہوئے ہیں، شاہرگ دھماکے میں جاں بحق اور زخمی ہونے والے زیادہ تر مزدوروں کا تعلق سوات اور شانگلہ سے بتایا جا رہا ہے۔