بلوچستان کے7 اضلاع میں خالی نشستوں پر ضمنی بلدیاتی انتخابات کیلئے پولنگ

کوئٹہ:بلوچستان کے 7 اضلاع میں ایک سال میں خالی ہونے والی نشستوں پر ضمنی بلدیاتی انتخابات کے لیے پولنگ کا عمل جاری ہے۔صوبائی الیکشن کمیشن کے مطابق بلوچستان کے 7 اضلاع ژوب، شیرانی، لورالائی، بارکھان، قلات، خضدار اور سوراب میں گزشتہ ایک سال کے دوران مختلف وجوہات کی بنا پر خالی ہونے والی نشستوں پر ضمنی بلدیاتی انتخابات آج منعقد ہو رہے ہیں۔
ان انتخابات میں 16 نشستوں کے لیے 25 امیدوار میدان میں ہیں، انتخابات میں مجموعی طور پر 106 جنرل کونسلرز ووٹ ڈالیں گے جب کہ پولنگ شام 4 بجے تک جاری رہے گی۔ان میں خواتین کی 6 خالی نشستوں پر 15 امیدوار، مزدور کی 2 خالی نشستوں پر 4 امیدوار، کسان کی 1 خالی نشست پر 3 امیدوار اور غیر مسلم کی 7 خالی نشستوں پر 3 امیدوار مد مقابل ہیں۔