بلوچستان کا بجٹ 16 جون کو پیش کیے جانے کا امکان

بلوچستان کے آئندہ مالی سال کا بجٹ 16 جون کو پیش کیے جانے ک اامکان ہے ۔محکمہ خزانہ کے ذرائع کے مطابق مالی سال 2023-24 کے بجٹ کا حجم 700 ارب روپے تک ہونے کا امکان ہے ، بجٹ میں آمدنی کا تخمینہ 529 ارب 32 کروڑ روپے ہے ۔آئندہ مالی سال کے بجٹ کا خسارہ 150 ارب سے زائد ہونے کا امکان ہے جبکہ ترقیاتی بجٹ 200 ارب روپے کے لگ بھگت ہوسکتا ہے ۔بجٹ میں پانچ ہزار سے زائد ملازمتیں فراہم کرنے اور سرکاری ملازمین کی تنخواہوں میں تیس فیصد اضافے کی تجویز شامل ہیں ۔آئندہ بجٹ میں بلوچستان کے اپنے وسائل سے آمدنی کا تخمینہ 60 ارب 32 کروڑ روپے ہے این ایف سی ایوارڈ کے تخت قابل تقسیم محاصل اور دیگر ذرائع سے آمدن کا تخمینہ 413 ارب روپے ہے ۔