بلوچستان میں بارشوں اورسیلاب سے تباہی ، مزید 2 افراد جاں بحق ـ
صوبے میں بارشوں سے اب تک 166 افراد جاں بحق ، 75 افراد زخمی مجموعی طور پر صوبے بھر میں 15 ہزار 337 مکانات کو نقصان پہنچاـ
بلوچستان کے مختلف علاقوں میں ریلیف سرگرمیاں جاری، پی ڈی ایم اے ریلیف سرگرمیوں میں انتظامیہ پاک فوج ، بحریہ اور ایف سی کے اہلکار شامل
بلوچستان میں گزشتہ 2 ماہ سے مون سون کی جاری بارشوں نے تباہی مچا دی ۔ بارشوں سے اب تک 166 افراد جاں بحق جبکہ 75 افراد زخمی ہوگئے۔
پی ڈی ایم اے حکام کے مطابق بارشوں سے اب تک مجموعی طور پر صوبے بھر میں 15 ہزار 337 مکانات کو نقصان پہنچا ہے ۔ بارشوں سے 23 ہزار 13 مال مویشی مارے گئے ہیں ، 2 لاکھ ایکڑ اراضی پر کھڑی فصلوں کو بھی شدید نقصان پہنچا ہے۔
پی ڈی ایم اے کے مطابق بلوچستان کے مختلف علاقوں میں ریلیف کی سرگرمیاں جاری ہیں ، ریلیف کی سرگرمیوں میں انتظامیہ پاک فوج ، بحریہ اور ایف سی کے اہلکار حصہ لے رہے ہیں۔