بلوچستان ،خاران اور اوشک میں زلزلے کے جھٹکے

بلوچستان کے اضلاع خاران اور واشک میں زلزلے کے جھٹکے محسوس کئے گئے تاہم کسی جانی ومالی نقصان کی اطلاع نہیں ملی ،زلزلہ پیما مرکز کے مطابق جمعرات کی شب آٹھ بجکر 43 منٹ پر خاران ، واشک ، بسیمہ ، شمشی ،دمگ اور مختلف علاقوں میں زلزلے کے جھٹکے محسوس کیے گئے ۔زلزلے کی شدت 4.5 ریکارڈ کی گئی جبکہ زلزلے کا مرکز خاران سے 68 کلومیٹر جنوب میں تھا ۔زلزلے کی شدت سے لوگوں میں خوف وہراس پھیل گیا ، لوگ کلمہ طیبہ اور استغفار کا ورد کرتے ہوئے گھروں سے باہر نکل آئے ۔ضلعی انتظامیہ کے مطابق زلزلے سے دونوں اضلاع میں جانی ومالی نقصان کی اطلاع نہیں ملی ۔