بانی پی ٹی آئی کے کاغذات نامزدگی مسترد کرنے کا فیصلہ سپریم کورٹ میں چیلنج

بانی پی ٹی آئی نے کاغذات نامزدگی مسترد کرنے کے فیصلے کو سپریم کورٹ میں چیلنج کردیا۔درخواست میں بانی پی ٹی آئی نے این اے 89 میانوالی اور این اے 122 لاہور کو انتخابات کے لیے اہل قرار دینے کی استدعا کی ہے۔اپیل میں موقف اختیار کیا گیا ہے کہ آرٹیکل 63 (1) (ایچ) کے تحت نااہلی کا نوٹیفکیشن درست نہیں، آرٹیکل 63 (1) (ایچ) کے تحت نااہلی کے لیے اخلاقی جرم بھی ضروری ہے۔اپیل میں کہا گیا ہے کہ توشہ خانہ کیس میں سزا اخلاقی بنیادوں پر نہیں دی گئی، ریٹرننگ افسر، الیکشن ٹربیونل اور ہائیکورٹ کے فیصلے کالعدم قرار دیئے جائیں۔واضح رہے کہ پاکستان تحریک انصاف (پی ٹی آئی) کے بانی عمران خان کے لاہور اور میانوالی کے حلقوں سے کاغذات نامزدگی مسترد کر دیے گئے تھے۔