بارش نے پاکستان ویمن ٹیم کو ایشین گیمز کے سیمی فائنل میں پہنچادیا

چین کے شہر ہانگزو میں ہونیوالے 19 ویں ایشین گیمز کے خواتین کرکٹ ایونٹ میں پاکستان اور انڈونیشیا کی ٹیموں کے درمیان کوارٹر فائنل میچ بارش کی وجہ سے ممکن نہ ہوسکا۔پاکستان کی خواتین کرکٹ ٹیم نے بہتر سیڈنگ کی بنیاد پر سیمی فائنل کیلئے کوالیفائی کرلیاہے۔بھارت نے بھی سیمی فائنل میں جگہ بنالی ہے جبکہ دو کوارٹر فائنلز جمعے کے روز کھیلے جائیں گے ، جس میں سری لنکا کا مقابلہ تھائی لینڈ سے جبکہ بنگلہ دیش کی ٹیم ہانگ کانگ سے مقابلہ کریگی۔