قومی کرکٹ ٹیم کے کپتان بابر اعظم نے اپنی 28 ویں سالگرہ ٹی 20 ورلڈ کپ میں شریک ٹیموں کے کپتانوں کے ساتھ مل کر منائی، انھوں نے آسٹریلوی کپتان ایرون فنچ کی جانب سے پیش گیا کیک کاٹا۔
آئی سی سی ٹی 20 ورلڈ کپ سے قبل تمام کپتانوں کا گروپ فوٹو شوٹ کیا گیا، فوٹو شوٹ کے بعد قومی کپتان بابر اعظم نے دیگر ٹیموں کے کپتانوں کے ساتھ مل کر اپنی 28 ویں سالگرہ کا کیک کاٹا۔
واضح رہے کہ آسٹریلیا میں کرکٹ کے مختصر طرز کا بڑا میلہ سجنے کو تیار ہے، عالمی میلے کا کل سے آغاز ہو گا، ورلڈ کپ کے افتتاحی روز گروپ اے کے دو مقابلے ہونا طے ہیں، سری لنکا اور نمیبیا کے درمیان پہلا جوڑ پڑے گا، جبکہ دن کا دوسرا مقابلہ نیدرلینڈز اور متحدہ عرب امارات کی ٹیموں کے درمیان کھیلا جائے گا۔