اے این ایف کارروائیاں، 1565 کلو سے زائد منشیات برآمد

کراچی: اے این ایف نے 7 مختلف کارروائیوں کے دوران 1565 کلو سے زائد منشیات برآمد کر کے 5 ملزمان کو گرفتار کرلیا۔اینٹی نارکوٹکس فورس کی جانب سے کارروائیاں کوئٹہ، اسلام آباد، کیچ، اٹک اور ملتان میں کی گئیں، کارروائیوں کیدوران ملزمان سے 391 کلو افیون، 274 کلو چرس، 180 کلو ہیروئن اور 26 کلو800 گرام آئس برآمد ہوئی۔
کارروائیوں میں ملزمان سے 1.1 کلو ویڈ،79 کلو بھنگ کے بیج، 58 کلو پوست کے بیج جبکہ 554.232 کلو مشتبہ مواد برآمد ہوا۔کارروائیوں کے دوران 5 ملزمان کو گرفتار کیا گیا جن کے خلاف انسداد منشیات ایکٹ کے تحت مقدمات درج کر لیے گئے ہیں۔