این اے 148 ملتان میں ضمنی الیکشن کیلئے پولنگ ، کانٹے ڈار مقابلہ متوقع

قومی اسمبلی کے حلقہ این اے 148 میں ضمنی انتخاب کے لیے پولنگ کا عمل جاری ہے۔ الیکشن کمیشن کے مطابق پولنگ شام 5 بجے تک بغیر کسی وقفے کے جاری رہے گی۔ پیپلز پارٹی کے علی قاسم کل 7 امیدوار میدان میں ہیں۔ ملک میں سنی اتحاد کونسل کے گیلانی اور تیمور الطاف کے درمیان سخت مقابلہ ہے۔حلقے میں ووٹرز کی کل تعداد 4 لاکھ 44 ہزار 231 ہے جن میں مرد ووٹرز کی تعداد 2 لاکھ 33 ہزار 624 جبکہ خواتین ووٹرز کی تعداد 2 لاکھ 10 ہزار 607 ہے۔الیکشن کمیشن کے مطابق حلقے میں 275 پولنگ اسٹیشنز بنائے گئے ہیں، 72 پولنگ اسٹیشنز خواتین اور مرد ووٹرز کے لیے مختص کیے گئے ہیں، جب کہ 131 پولنگ اسٹیشن مشترکہ ہیں۔الیکشن کمیشن نے ان پولنگ اسٹیشنز میں سے 69 کو حساس قرار دیا ہے، 3 ہزار 800 پولیس اہلکار سیکیورٹی کے فرائض سرانجام دیں گے۔واضح رہے کہ اس حلقے سے یوسف رضا گیلانی کامیاب ہوئے تھے، یہ نشست ان کے سینیٹر بننے کے بعد خالی ہوئی تھی۔ووٹ کاسٹ کرنے کے بعد میڈیا سے گفتگو کرتے ہوئے رہنما سنی اتحاد کونسل بیرسٹر تیمور ملک نے کہا ہے کہ نتیجہ اور فارم 45 ہمارے سامنے آئے گا، پچھلی بار بھی 104 کا فرق رکھا گیا تھا، دوبارہ گنتی نہیں کی گئی۔بیرسٹر تیمور ملک نے کہا کہ مجھ جیسا وکیل اور شہری پرامن احتجاج چاہتا ہے، صبح اچھی ہے، ووٹر ٹرن آٹ اس وقت توقع سے زیادہ ہے، لوگ ووٹ ڈالنے نکلے ہیں، حق کی جیت ہوگی۔