ایف آئی اے کارروائی، شہریوں سے رقم ہتھیانے والے 4ملزمان گرفتار

لاہور: (وفاقی تحقیقاتی ایجنسی نے صوبائی دارالحکومت لاہور سے شہریوں سے رقم ہتھیانے والے 4 ملزمان کو گرفتار کرلیا۔وزیر داخلہ محسن نقوی کی ہدایت پر ایف آئی اے اینٹی کرپشن سرکل لاہور نے کارروائی کرتے ہوئے وزارت خارجہ کے رابطہ آفس لاہور کے گارڈ اور سو یپر سمیت 4 ایجنٹس گرفتار کرلیا۔
ترجمان ایف آئی اے نے بتایا کہ وزارت خارجہ کے رابطہ آفس سے کرامت، عباس،ظفر ، عدنان کو گرفتار کیا گیا، تین ملزمان عبدالرحمن ، طیب اور رستم موقع سے فرار ہو گئے، ملزمان دستاویزات کی تصدیق کیلئے شہریوں سے رقوم بٹورتے تھے۔ ملزمان سے مختلف دستاویزات، پاسپورٹس اور موبائل فون قبضے میں لے لیے گئے، ملزمان کے خلاف مختلف دفعات کے تحت مقدمہ درج کر لیا گیا۔