امریکا کی قومی سلامتی کونسل کے ترجمان جان کربی نے کہا ہے کہ ایران کے ساتھ جنگ نہیں چاہتے، امریکا خطے میں جنگ نہیں پھیلانا چاہتا۔امریکی میڈیا کے مطابق پریس بریفنگ کے دوران انہوں نے کہا کہ اردن میں امریکی فوجی اڈے پر ایک ہی ڈرون حملہ ہوا، ہم جانتے ہیں کہ ان گروپوں کے پیچھے ایران کا ہاتھ ہے۔جان کربی کا کہنا تھا کہ امریکی فوجیوں پر حملہ تنازع کو بڑھانے کے لیے تھا، وہ ایرانی حکومت کے ساتھ فوجی طریقے سے تصادم نہیں چاہتے، وہ اپنے شیڈول، وقت اور جس طریقے کا انتخاب کریں گے اس کا جواب دیں گے۔انہوں نے مزید کہا کہ صدر بائیڈن قومی سلامتی ٹیم کی مشاورت سے صورتحال کا جائزہ لے رہے ہیں۔واضح رہے کہ اردن میں امریکی اڈے پر ڈرون حملے میں 3 امریکی فوجی ہلاک اور 30 زخمی ہوگئے تھے۔
Leave feedback about this