ایران کا سعودی عرب کیساتھ تجارت شروع کرنے کا اعلان

ایران کے وزیر صنعت وتجارت نے کہا ہے کہ ایران اور سعودی عرب باہمی رضا مندی سے تجارت کا آغاز کررہے ہیں ۔ایرانی وزیر رضا فاطمہ امین کا کہنا ے کہ تعلقات بحالی کے تناظر میں ایرانی اشیا کو سعودی عرب میں داخلے کی اجازت دینا ایجنڈے میں شامل ہے ۔رضا فاطمہ امین نے کہا ہے کہ وزارت میں ہمارے ساتھیوں نے سامان برآمد کرنے کا عمل شروع کردیا ہے ۔ایران کے وزیرخارجہ حسین امیر عبداللہیان اور سعودی ہم منصب شہزاد ہ فیصل بن فرحان نے چھ اپریل کو چین کے دارالحکومت بیجنگ میں ہونیوالی بات چیت کے اختتام پر ایک مشترکہ بیان پر دستخط کیے تھے ۔رپورٹس کے مطابق اس معاہدے کا مقصد ایران اور سعودی عرب کے درمیان کئی سال سے تعطل کا شکار سفارتی تعلقات کو بحال کرنا تھا۔