ایرانی وزیر خارجہ اسلام آباد پہنچ گئے

ایرانی وزیر خارجہ حسین امیر عبداللہیان اسلام آباد پہنچ گئے، وہ اپنے دورے کے دوران وزیراعظم اور وزیر خارجہ جلیل عباس جیلانی سے بھی ملاقات کریں گے۔اپنے دورہ پاکستان کے دوران حسین امیر عبداللہیان حالیہ پاک ایران کشیدگی، کالعدم گروپوں کی محفوظ پناہ گاہوں اور بارڈر مینجمنٹ سمیت کئی اہم امور پر تبادلہ خیال کریں گے۔اس موقع پر پاک ایران کشیدگی سے بچنے کے لیے سفارتی تعلقات میں بہتری پر بھی بات چیت متوقع ہے۔دفتر خارجہ کے ذرائع کے مطابق حسین امیر عبداللہ اپنے دورے کے دوران وزارت خارجہ کے حکام کے ساتھ ساتھ سیکیورٹی حکام سے بھی ملاقاتیں کریں گے۔حسین امیر عبداللہیان اپنے پاکستانی ہم منصب جلیل عباس جیلانی اور دیگر سے ملاقات کریں گے۔ذرائع کے مطابق دورے کے دوران ایران میں 9 پاکستانی شہریوں کے قتل پر بھی غور کیا جائے گا۔واضح رہے کہ ایران کے وزیر خارجہ پاکستان کے دورے پر اپنے شیڈول کے مطابق اتوار کی شب خصوصی طیارے میں اسلام آباد پہنچے ہیں۔