انڈر ٹریننگ سے مکالمہ کرنا نواز شریف کا لیول نہیں ، احسن اقبال

پاکستان مسلم لیگ (ن) کے رہنما احسن اقبال نے کہا ہے کہ انڈر ٹریننگ سے مذاکرات نواز شریف کے لیول کا نہیں۔پی پی چیئرمین بلاول بھٹو زرداری کے بیان پر ردعمل دیتے ہوئے احسن اقبال نے کہا کہ نواز شریف انڈر ٹریننگ کے ساتھ مذاکرات کرنے کی سطح پر نہیں ہیں۔ان کا مزید کہنا تھا کہ بلاول انڈر 19 کھلاڑی ہیں، ان کے والد نے کہا ہے کہ وہ اس وقت ٹریننگ کر رہے ہیں۔احسن اقبال نے بلاول بھٹو زرداری کو اپنی پارٹی کے سربراہ کا نام احترام سے لینے کی تنبیہ کرتے ہوئے کہا کہ چیئرمین پیپلز پارٹی جانتے ہیں کہ اگر وہ اپنی زبان درست نہ کریں تو کیا جواب دینا ہے۔واضح رہے کہ اپنے انٹرویو میں بلاول بھٹو زرداری نے مسلم لیگ ن کے قائد نواز شریف کو تنقید کا نشانہ بناتے ہوئے انہیں ٹی وی پر آکر قومی ایشوز پر بحث کرنے کا چیلنج دیا تھا۔