انٹر بینک ، ڈالر سستا ہو کر 284 روپے 25 پیسے کا ہوگیا

کاروباری ہفتے کے آغاز میں انٹر بینک میں ڈالر مزید سستا ہوا ہے ۔ انٹر بینک میں ڈالر 72 پیسے سستا ہونے کے بعد 284 روپے 25 پیسے کا ہوگیا ،گذشتہ کاروباری ہفتے کے اختتام پر انٹر بینک میں ڈالر284 روپے 97 پیسے کا تھا۔پاکستان اسٹاک ایکسچینج کا انڈیکس آج 62 ہزار عبور کرگیا ۔پاکستان اسٹاک ایکسچینج کا سو انڈیکس مسلسل تاریخ رقم کررہاہے ، آج انڈیکس 62 ہزار عبور کرگیا۔آج پاکستان اسٹاک ایکسچینج کا انڈیکس کا سو انڈیکس 918 پوائنٹس کے اضافے کے بعد 62 ہزار 609 پر آگیا ، گذشتہ کاروباری ہفتے کے اختتام پر انڈیکس 61 ہزار 691 پر بند ہوا تھا