انوشے اشرف نے رمضان سے قبل سوشل میڈیا سے بریک لے لی

اسلام آباد: انوشے اشرف نے رمضان کے آغاز سے قبل روحانی پاکیزگی کیلئے سوشل میڈیا سے کنارہ کشی اختیار کرلی۔ انوشے کی جانب سے سوشل میڈیا سے بریک لینے کی اطلاع انسٹاگرام کے ذریعے دی گئی۔ شیئر کردہ پوسٹ پر اداکارہ نے لکھا کہ رمضا ن کے برکت والے مہینے سے قبل میں اپنے دل و دماغ اور روح کی پاکیزگی کیلئے سوشل میڈیا سے ایک ہفتے کیلئے وقفہ لے رہی ہوں۔ اداکارہ نے کہا کہ میں نے سوشل میڈیا سے کنارہ کشی کا فیصلہ اس لیے کیا کیونکہ میں چاہتی ہوں کہ رمضان کا آغاز کھلے دماغ سے کرسکوں تاکہ ماہ مبارک کی برکات اورنیکیاں حاصل کرسکوں۔