انتہائی افسوسناک خبر:ملائیشیاء میں لینڈ سلائیڈنگ،23افراد ہلاک،10افراد تاحال لاپتہ

ملائیشیاء میں مٹی کا تودہ گرنے سے کئی گھر تباہ ہوگئے اور درجنوں افراد ملبے تلے دب گئے تھے جن میں سے ب تک 23لاشیں نکالی جاچکی ہیں جبکہ مزید10افراد کے ملبے تلے دبے ہوئے کا خدشہ ہے۔عالمی خبر رساں ادارے کے مطابق ملائیشیا کے دارالحکومت کوالاالمپور سے65کلو میٹر کی دوری پر ایک علاقے میں مسلسل بارشوں کے نتیجے میں مٹی کا بڑا تودہ مکانات پر گر گیا۔امدادی کاموں میں 130سے زائد رضا کاروں نے حصہ لیا،تودہ گرنے سے کئی گھر مٹی کا ڈھیر بن گئے جس کے ملبے میں 30سے زائد افراد دب گئے۔62افراد کو بحفاظت نکال لیا گیا جب کہ 23لاشیں نکالی گئی ہیں۔ملتے تلے اب بھی 10افراد دبے ہوئے ہیں۔جن کی تلاش کا کام جاری ہے۔ہلاکتوں میں مزید اضافے کا خدشہ ظاہر کیا جارہا ہے۔مسلسل اور غیر متوقع بارشوں کے باعث ملائشیا میں لینڈ سلائیڈنگ کے واقعات میں اضافہ ہوا ہے۔کل رات مسلسل بارشوں اور پہاڑوں سے اترنے والے پانی کے باعث ریسکیو آپریشن چار گھنٹے معطل رہا تھا۔