امریکہ پاکستان میں شفاف انتخابات کی حمایت جاری رکھے گا

امریکی محکمہ خارجہ کے ترجمان میتھیو ملر نے کہا ہے کہ وہ پاکستان میں آزادانہ اور منصفانہ انتخابات کی حمایت جاری رکھیں گے، کیونکہ اس حوالے سے دو طرفہ بات چیت جاری ہے۔واشنگٹن میں پریس بریفنگ کے دوران میتھیو ملر کا کہنا تھا کہ وہ پاکستان میں کسی سیاسی جماعت سے متعلق کوئی پوزیشن نہیں لیتے تاہم پاکستانی عوام کے منتخب رہنماوں سے بات کرتے ہیں۔انہوں نے کہا کہ پاکستانی آرمی چیف محکمہ خارجہ اور پینٹاگون سمیت دیگر حکام سے ملاقات کے لیے واشنگٹن میں تھے۔میتھیو ملر نے مزید کہا کہ پاکستان امریکہ کا ایک بڑا نان نیٹو اتحادی اور نیٹو پارٹنر ہے، علاقائی سلامتی اور دفاعی تعاون پر پاکستان کے ساتھ شراکت داری کا منتظر ہے۔