الیکشن کمیشن نے پنجاب یونیورسٹی کونئی بھرتیوں سے روک دیا

الیکشن کمیشن نے پنجاب یونیورسٹی انتظامیہ کو بغیر اجازت نئی بھرتیوں سے روک دیا ، کمیشن نے ہدایت کی ہے کہ نئی بھرتیوں کیلئے جاری اشتہار بھی واپس لیاجائے ۔پنجاب یونیورسٹی انتظامیہ کو ارسال کیے جانیوالے مراسلے میں الیکشن کمیشن نے کہا ہے کہ بغیر اجازت نئے اساتذہ بھرتی نہ کئے جائیں ۔مراسلے میں کہا گیا کہ یونیورسٹی انتظامیہ نے اساتذہ کی بھرتی کیلئے 29 جولائی کو جو اشتہار دیا تھا وہ الیکشن ایکٹ 2017کی خلاف ورزی ہے الیکشن کمیشن نے ہدایت کی ہے کہ نئی بھرتیوں کیلئے جاری کردہ اشتہار فوری طورپر واپس لیاجائے ۔