الٹرا لوایمیشن زون کل سے پورے لندن میں نافذ ہوگا

الٹرا لوایمیشن زون کل سے پورے لندن میں نافذ ہوجائیگا ، جس کے تحت زیادہ آلودگی پھیلانیوالی گاڑیوں کے ڈرائیور کو گاڑی چلانے کی صورت مین روزانہ ساڑھے بارہ پونڈ ادا کرنا ہوں گے۔لندن کے اطراف واقع کونسلوں کی جانب سے اس توسیع کی مخالفت کی گئی ہے سات میں سے چھ کونسلوں نے زون میں توسیع سے متعلق سائن لگانے کے حوالے سے ٹرنسپورٹ فار لندن سے معاہدہ کرنے سے انکار کردیا ۔میئر لندن صادق خان کا کہنا ہے کہ لندن کی فضا کو بہتر بنانے کیلئے الٹرا لوایمیشن زون میں توسیع ضروری ہے ۔انہوں نے مزید کہا کہ فضائی آلودگی کے سبب لندن میں چار ہزار افراد قبل از وقت موت کے منہ میں جارہے ہیں انہوں نے نئی گاڑی خریدنے کیلئے گرانٹ کا اعلان بھی کیا۔