اسلام آباد ہائیکورٹ نے میڈیکل طلبہ کے خلاف کورونا ایس او پیز اور دفعہ144کی خلاف ورزی کے الزام میں درج مقدمہ خارج کرنے کا حکم دے دیا۔جسٹس طارق محمود جہانگیری کے روبرو کیس کی سماعت ہوئی جس میں انہوں نے طلبہ کی درخواست پر اخراج مقدمہ حکم سنایا۔عدالت نے6صفحات پر مشتمل تحریری فیصلے میں مقدمے کے اخراج کی وجوہات بھی بیان کیں۔عدالت نے قرار دیا کہ طلبہ پر الزام ہے کہ احتجاج کے دوران حکومت مخالف نعرے بازی اورکورونا ایس او پیز کی خلاف ورزی کی گئی جس پر طلبہ کیخلاف تھانہ کوہسار میں آپریٹر منتظر کی مدعیت میں مدمہ درج کیا گیا۔
