اب پاکستانی گوشت ملائشین مارکیٹ میں آرہا ہے ، ملائشین ہائی کمشنر

ملائیشین ہائی کمشنر محمد اظہر مزلان نے کہا ہے کہ اب پاکستانی گوشت ملائیشیا کی مارکیٹ میں آرہا ہے۔اسلام آباد میں پاکستان ملائیشیا تعلقات کے حوالے سے تقریب سے خطاب کرتے ہوئے محمد اظہر مزلان نے کہا کہ چین اور بھارت ہماری بڑی برآمدی منڈیاں ہیں، ملائیشیا میں 50 ہزار پاکستانی روزگار کما رہے ہیں۔محمد اظہر مزلان نے کہا کہ ملائیشیا پاکستان کے ساتھ اپنے تعلقات مضبوط کرے گا، الیکشن کے بعد پاکستان میں جو بھی اقتدار میں آئے گا، ہمارے تعلقات برقرار رہیں گے۔انہوں نے کہا کہ ہمارے پاس بہترین یونیورسٹیاں ہیں جہاں تعلیم معیاری اور سستی ہے، ملائیشیا ایشیا کے پرامن ممالک کی فہرست میں تیسرے نمبر پر ہے، ملائیشیا میں جرائم کی شرح بہت کم ہے۔