آزاد کشمیر اور شیخوپورہ میں ٹریفک حادثات ،13 مسافر جاں بحق

آزاد کشمیر اور شیخوپورہ میں ٹریفک حادثات میں 13 مسافر جاں بحق ہوگئے ۔کوٹلی میں ناڑ کے مقام پر زائرین کی بس کھائی میں گرنے سے 10 مسافر جاں بحق ہوئے ۔بس میں 35 سے زائد زائرین سوار تھے ، زائرین نیریاں ، شریف کے عرس سے واپس آرہے تھے ۔حادثے میں متعدد افراد زخمی ہوئے ہیں ، جنہیں ڈی ایچ کیو ہسپتال میرپور منتقل کردیاگیا ہے ۔دوسری جانب فیض پور کے قریب مسافر بس اُلٹ گئی ، حادثے میں تین افراد جاں بحق اور تین زخمی ہوئے ۔مسافر بس کوٹ ادو سے لاہور جارہی تھی ، حادثہ ڈرائیور کی لاپرواہی کی وجہ سے پیش آیا ۔