آج ایک اور وزیراعظم فارغ ہوسکتا ہے ، فواد چوہدری

لاہور : پاکستان تحریک انصاف کے رہنما فواد چوہدری نے کہا ہے کہ آج ایک اور وزیراعظم فارغ ہوسکتا ہے ۔ایک انٹرویو میں سابق وفاقی وزیر فواد چوہدری نے کہا کہ سپریم الیکشن کرانے کے کیس میں فیصلہ تو دے چکی ہے اب تین رکنی بینچ صر ف عمل درآمد کا بینچ ہے ۔انہوں نے مزید کہا کہ آج ایک اور وزیراعظم فارغ ہوسکتا ہے ، عدالتی حکم پر عمل درآمد نہ ہوا تو سپریم کورٹ ایک اور وزیراعظم کو فارغ کردیگی ۔اپنے ایک ٹویٹ میں فواد چوہدری نے لکھا کہ الیکشن ایکٹ کی خلاف ورزی کرتے ہوئے ایک مفرور ملزم اس پارٹی کے فیصلے کررہاہے، ن لیگ کی بحیثیت پارٹی ، رجسٹریشن منسوخ کرانے کیلئے ریفرنس دائر کرنے پر مشاورت شروع کردی ہے ۔