آتشزدگی کے بعد دونوں فیکٹریاں گر گئیں 4 ریسکیو اہلکار جاں بحق

کراچی کے علاقے نیو کراچی صنعتی ایریا میں دوبارہ آگ لگے کے بعد جلنے والی دونوں فیکٹریوں کی عمارتیں گر گئیں حادثے میں 4 ریسکیو اہلکار جاں بحق اور 13 افراد زخمی ہوگئے ، فائر بریگیڈ حکام کا کہنا ہے کہ فیکٹری کے ملبے تلے دبے 4 ریسکیو اہلکاروں کی لاشیں نکالی گئی ہیں جبہ امدادی کارروئیاں جاری ہیں۔فیکٹری میں لگی آگ کو بجھانے کے بعد اس میں دوبارہ آگ بھڑک گئی تھی ، مسلسل آگ کے باعث دونوں فیکٹریوں کی عمارتیں کمزور ہوگئی تھیں فائر بریگیڈ عملے کا کہنا ہے کہ آگ بجھانے کے بعد کولنگ کا عمل جاری تھا کہ اس دوران فیکٹریاں گرگئیں ۔دوسری جانب گورنر سندھ کامران خان ٹیسوری نے صنعتی ایریا میں متاثرہ فیکٹریوں کا دورہ کیا ۔ گورنر سندنے کہا کہ یہ بڑا سانحہ ہے جس میں 4 ریسکیو اہلکار شہید ہوئے ہیں۔