آئی ایم ایف 200 یونٹ والے صارفین کو بلوں کی ادائیگی میں ریلیف دینے پر رضامند

اسلام آباد: عالمی مالیاتی فنڈ ، آئی ایم ایف نے چار سو یونٹ والے بجلی صارفین کیلئے ریلیف کی تجویز مسترد کردی جبکہ 200 یونٹ والے صارفین کیلئے ریلیف دینے پر رضا مند ہوگیا ، حکومت اور آئی ایم ایف کے مابین صرف دو سو یونٹ تک صارفین سے بل قسطوں میں وصول کرنے پر اتفاق ہوا ہے جس کی حتمی منظوری وفاقی کابینہ سے لی جائیگی ۔بجلی کے دو سو یونٹ استعمال کرنیوالے صارفین بلوں کی قسطیں کرا سکیں گے ، صارفین کو تاریخ گزرنے کے بعد ادائیگی پر جرمانہ نہیں ہوگا۔دستاویز وزارت خزانہ کے مطابق بجلی بلوں میں اقساط کرانے کا ریلیف اگست 2023 کیلئے دیا جائے گا، 200 یونٹ تک کے بل کی اقساط سے چالیس لاکھ بجلی صارفین کو وقتی ریلیف ملنے کا امکان ہے ۔