آئی ایم ایف سے معاہدہ ، انٹر بینک میں ڈالر 11 روپے 1 پیسے سستا

آئی ایم ایف سے معاہدے کے اثرات انٹر بینک میں امریکی ڈالر کی قدر پر بھی اثر انداز ہونے لگے ہیں ۔کاروبار کے آغاز میں ہی انٹر بینک میں آج ڈالر گیارہ روپے ایک پیسے سستا ہوگیا۔انٹر بینک میں ڈالر گیارہ روپے ایک پیسے سستا ہونے کے بعد 274 روپے 98 پیسے کا ہوگیا ۔پاکستان اسٹاک ایکسچینج میں گذشتہ روز زبردست مثبت رحجان کے بعد آج کاروبار کا منفی رحجان دیکھنے میں آرہا ہے۔پاکستان اسٹاک ایکسچینج کا سو انڈیکس 195 پوائنٹس کی کمی کے بعد 43 ہزار 703 پر آگیا۔گذشتہ روز کا روبار کے اختتام پر 100 انڈیکس 43 ہزار 899 پوائنٹس پربند ہوا تھا ۔