پاک بحریہ کا جہاز پی این ایس نصر زلزلہ زدگان کیلئے امدادی سامان لیکر شام کی بندرگاہ پہنچ گیا

اسلا م آباد: پاک بحریہ کا جہاز پی این ایس نصر زلزلہ زدگان کیلئے امدادی سامان لیکر شام کی بندرگاہ پہنچ گیا، تفصیلات کے مطابق امدادی سامان میں متاثرین کیلئے خیمے، کمبل، جنریٹرز، راشن، ادویات اور گرم کپڑے شامل ہیں، شام کی بندرگاہ پہنچنے پر پاکستانی سفیر،شام کے اعلیٰ سول وعسکری حکام نے جہاز کا پرتپاک استقبال کیا، پی این ایس نصر 1000 تن امدای سامان لیکر جانیوالا پاک بحریہ کا پہلا جہاز ہے۔پاک بحریہ کے دوسرے جہاز پی این ایس معاون کو بھی امدادی سامان کیساتھ 12 مار چ کو روانہ کیاگیا۔ پاکستانی قوم مصیبت کی اس گھڑی میں ترکہ اور شام کے عوام کیساتھ کھڑی ہے۔