وزیراعلی پنجاب مریم نواز نے نجی کالج کے معاملے پر تحقیقاتی کمیٹی تشکیل دیدی

لاہور:وزیراعلی پنجاب مریم نواز نے نجی کالج کے معاملے کی تحقیقات کے لیے اعلی سطح کی کمیٹی تشکیل دیدی۔ تحقیقات کے لیے وزیراعلی کی جانب سے کمیٹی کے قیام کا اعلان کیا گیا ہے جو 48 گھنٹوں میں تحقیقات کر کے مریم نواز کو رپورٹ پیش کریگی۔6رکنی کمیٹی چیف سیکرٹری پنجاب کی سربراہی میں کام کرے گی جبکہ سیکرٹری داخلہ، ایڈووکیٹ جنرل پنجاب، سیکرٹری ہائر ایجوکیشن، سیکرٹری سپیشل ایجوکیشن، سیکرٹری سپیشلائزڈ ہیلتھ کیئر اینڈ میڈیکل ہیلتھ کمیٹی کے ممبر ہونگے۔کمیٹی اپنی مدد کے لیے کسی اور کو بھی ممبر بنا سکتی ہے، کمیٹی طالبہ کے حوالے سے شواہد اکٹھے کرے گی جس میں کالج کی طالبات، اساتذہ اور انتظامیہ کے بیانات بھی ریکارڈ کریگی۔ کمیٹی کالج انتظامیہ کا فوری رسپانس اور پولیس کے معاملے سے نمٹنے سمیت تمام پہلوں کا جائزہ لے گی۔