دنیا

نینسی پلوسی کے دورۂ تائیوان پر چینی وزارت خارجہ کی طرف سے امریکی سفیر طلب

امریکی ایوان نمائندگان کی اسپیکر نینسی پلوسی کے دورہ تائیوان کے موقع پر چینی وزارت خارجہ نے امریکی سفیر کو طلب کر لیا۔

غیر ملکی خبر رساں اداروں کے مطابق چینی وزارت خارجہ نے اسپیکر نینسی پلوسی کے دورہ تائیوان پر امریکی سفیر کے سامنے شدید احتجاج ریکارڈ کرایا۔

چینی نائب وزیر خارجہ کی جانب سے کہا گیا ہے کہ امریکی اقدام پر چین خاموش نہیں رہے گا، امریکی اقدام انتہائی جارحانہ نوعیت کا ہے۔

واضح رہے کہ چین نے اسپیکر نینسی پلوسی کے دورہ تائیوان کو چین کے اندرونی معاملات میں مداخلت قرار دیتے ہوئے دورہ کرنے سے باز رہنے کی تنبیہ جاری کی تھی، تاہم چین کے انتباہ کے باوجود امریکی اسپیکر گزشتہ رات تائیوان کے دورے پر پہنچیں۔

خیال رہے کہ نینسی پلوسی 25 سال میں تائیوان کا دورہ کرنے والی پہلی اعلیٰ سطح کی امریکی شخصیت ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے