نواز شریف کی پاکستان آمد ، طیارہ بک ہوگیا

نواز شریف کی دبئی سے پاکستان روانگی کیلئے خصوصی طیارہ بک کرالیاگیا ، ن لیگ امارات نے تیاریاں مکمل کرتے ہوئے پروٹوکول جاری کردیا ۔ن لیگ نے امارات کا کہنا ہے کہ کارکن دبئی ائیرپورٹ انتظامیہ سے مکمل تعاون اور قانون کی پاسداری کریں ، ائیرپورٹ پر نعرے بازی سے اجتناب کریں ۔ن لیگ امارات نے بتایا کہ پارٹی قائد میاں نواز شریف کی روانگی دبئی ائیرپورٹ ٹرمینل دو سے ہوگی ۔ن لیگ نے ہدایت جاری کرتے ہوئے کہا ہے کہ نواز شریف اکیس اکتوبر کو صبح سویرے دبئی سے روانہ ہوجائینگے کارکن اور رہنما نماز فجر دبئی ائیرپورٹ پر ہی ادا کریںن لیگی کارکنوں اور پارٹی رہنماﺅں کو اپنے ہمراہ سفری سامان کم سے کم رکھنے کی ہدایت بھی کی گئی ہے ۔