ملک کے مختلف علاقوں میں آج بھی گرج چمک کیساتھ بارش کا امکان

اسلام آباد ،پنجاب ،خیبر پختونخوا ،بلوچستان ، کشمیر اور گلگت بلتستان میں آج بھی تیز ہواﺅں ، آندھی اور گرج چمک کیساتھ بارش کا امکان ہے ۔جنوبی پنجاب کے مختلف شہروں ملتان اور ڈی جی خان میں بارش کے بعد کئی علاقوں میں بجلی کی فراہمی معطل رہی ۔کوہ سلیمان رینج میں موسلادھار بارش کے بعد دھانا سر کے مقام پر لینڈ سلائیڈنگ ہوئی ،پہاڑی چٹانیں این پچاس پر گرنے سے ژوب ڈی آئی خان ہائی وے بند ہوگئی جس کے باعث بلوچستان کا کے پی کے ساتھ زمین رابطہ منقطع ہوگیا۔کوئٹہ ژوب ہائی وے پر کار ریلے میں بہہ جانے کے بعد ایک طالبعلم کی لاش نکال لی گئی جبکہ 2 کو بچالیا گیا ، ڈرائیور کی تلاش کی جاری ہے۔دوسری جانب کراچی کے علاقوں کلفٹن ، ڈیفنس میں ہلکی بارش ہوئی ۔گذشتہ روز ملک میں سب سے زیادہ بارش لاہور ائیر پورٹ پر 255 ملی میٹر ریکارڈ کی گئی